Kavya diabetologist & Family Clinic

Hello friends,

I am Dr KK goyal. I have a diabetes clinic. Hum aaj aapko diabetes ke lakshano ke baare mein jankari dena chahte Hain. Agar kisi ka random blood sugar jo hai 140 se jyada hai to usko diabetes ho sakti hai. Isko confirm karne ke liye HbA1c ka jo jaanch hai vo anivarya hoti hai. Aiye hum diabetes ke lakshano ke baare mein aapko kuch jankari dete Hai.

Pehla lakshan yeh hai ki bar bar peshab ka ana. Agar kisi mareej ko bar bar bathroom aa raha hai, bar bar peshab ara hai, to usko diabetes ke lakshan ho sakte hain. Isme hamari body ki jo kidney hai woh excess jo glucose hai usko urine ke through bahar nikalne ki koshish krti hai. To isi vajah se isme bar bar peshab ata hai.

Dusra lakshan ye hai ki bar bar UTI hoskta hai. UTI matlab Urinary Tract infection. Agar bar bar bathroom main aapko infection ho raha hai to uska bhi jo hai diabetes ka lakshan ho sakta hai. Teesra iska ye hai ki iske andar wajan jo hai vo teji se ekdum se loss hone lagjata hai. Agar dosto apka wajan teji se gir raha hai, achanak gir raha hai, to ye b diabetes ke lakshan ho sakte hain. Iske liye turant aap nazdiki kisi lab me jaake aap 100-150 rupee deke aap diabetes ka check-up kara sakte hain.

Chotha lakshan iska yeh hai ki apko jo hai pairo ke talve me Jalan mehsoos hogi. Agar pairo ke talve mein agar aapko Jalan hoti hai, numbness hoti hai aisa lagta hai ki Koi keel vagrah jo hai uska pata ni chal raha apko chubhne ka, to ye bhi diabetes ka lakshan ho sakta hai. Panchva lakshan yeh hai ki isme vision jo hai apka vo ekdum se blur ho jaega apka. To ekdum se apko dhundla dikhae dene lag jae, to usme bhi diabetes ka lakshan ap keh skte hai ki apko diabetes isme hoskti hai. To iske liye aap nazdeeki lab jaiye or vaha jake aap apna ek fasting or ek khana khane ke baad ka jo random blood sugar hota hai, usko check karaiye.

Dhanyawad.

Hello Friends!

I am K K Goyal from Kavya Diabetes Clinic, Hum apko aaj madhumeh ke baare me btana chahte hain. Madhumeh ko diabetes ya sugar bhi kaha jata hai. Yeh kai parkar ka hota hai jaise type 1 diabetes, type 2 diabetes and gestational diabetes. Inme sabse common jo hai vo type 2 diabetes hota hai. Type 2 diabetes adhiktar bade logon me hota hai jaise 30 saal ki umar ke baad me jo hai type 2 diabetes paya jata hai. Type 2 diabetes bhut hi common hota hai.

And type 1 diabetes jo hai vo kam umar ke logon me paya jata hai. Agar isko control na kren diabetes ko to kidney failure, blindness is tarike ki samsyain jo hain vo aa skti hain. Iske main symptoms hain jyada pyas lagna, Jyada bhuk lagna, vajan ka tezi se ghatna baar baar peshab aana, ghaav ka na bharna. Is tarike se iske symptoms aate hain. Apko iske andar clean diet leni hai diabetes ke andar. Apko bahar ka junk food nhi khana hai jaise burger, pizza vagera jo hai vo avoid krein. Iske andar maida avoid kren aap. Maida nhi khana hai.

Cheeni or sheetal jo pay pardarth hote hain jinke andar chini ki matra sabse jyada rehti hai, usko apko avoid krna hai. Isi tarike se aap diabetes se bach sakte hain or healthy lifestyle apnana hai. Niyamit exercise kren. Yogasan kren. Physical activities ko badhayein. Saaf paani or khane ka upyog krein. Mithiyan, murabba, cake ye sab chizein apko avoid krni hai. Baki Agar apko kuch bhi diabetes ke baare me pata krna hai, control krna hai, diabetes apke control nhi ho rhi hai, sugar level bhut jyada aa rha hai, 300-400 is tarike se aa rha hai, dwaiyan aap kha rhen hain lekin kam nhi kr rhi hai, to aap hmare yhan aaiye or consultation kraiye.

Thank You.