Common Specialities
{{speciality.keyWord}}
Common Issues
{{issue.keyWord}}
Common Treatments
{{treatment.keyWord}}

How To Treat Diabetes Through Food?

Written and reviewed by
Dr. Shubhashree Patil 89% (10 ratings)
MBBS, Diploma In Diabetology, DNB - General Medicine
Diabetologist, Mumbai  •  15 years experience
Play video

Hi,

I am Dr. Shubhashree Patil, Diabetologist. Humare bharat mein khaane-peene ki aisi kayi vastu hain jis se diabetes control acha kiya ja sakta hai. Aur mai chahti hun ki as a doctor mai apne patients ko iske baare mein information dun. Kayi baar aisa hota hai ki humare diabetes consultation mein jayada baatein medicines ke baare mein hoti hain. Jabki diabetes ka ilaj humare khane peene mein hi hai. Isliya kuch aisi vastuyein hum apni diet mein include karein toh is se diabetes control hone mein madad ho sakti hai. Jismein se kuch chizon ke baare mein information aaj mai aap ko dene vali hun. Sabse pehli chiz mein dikhana chahti hun ki meethi daane ke baare mein. Ye diabetes kam karne ke liya upyukt vastu hai. Isko aap raat ko bhigo ke and savare pani ke sath chabba ke kha sakte hain. Ye diabetes ke sath sath cholesterol kam karne me help karta hai. It also helps in insulin resistance. Matlab diabetes ki medicines jayada acha kam de sakti hain. Dusri chiz main aap ko karele ke baare me dikhana chaungi. Ye humare khane peene mein aane vali aam sabzi hai. Iska juice bhi hum diabetes ke liya le sakte hain. Ismein vitamn-A & C kafi achi matra mein hote hain. Tisri chiz hai flax seeds. Ye hum bhuj ke ek chammach powder bana kar daily le sakte hain.

Ismein rich omega-3 & 6 fatty acids hote hain jo acha cholesterol badhane and bura cholesterol kam karne mein madad karte hain. Sath hi ye diabetes control ke liya madad karta hai. Iske baad main aap ko brown rice ke baare mein dikhana chahungi. Brown rice kafi acha hota hai diabetes control karne ke liya. Agar ye humare diet me rehta hai to is se sugar content body mein kam ho jata hai. Ismein fibre bhi kafi achi matra mein paya jata hai. Next mai aap ko cinnamon ke baare mein dikhaungi. Aap iska sewan chai mein ya fir green tea mein kar sakte hain. Is se weight and diabetes dono kam hone mein help hoti hai. Iske baad mein aap ko oats ke bare mein btaungi. Oats se kafi der tak humara peat bhara hua lagta hai. Humein jayada jaldi bhukh bhi nahi lagti hai. Is se diabetes bhi control hota hai and fibre ki quantitty bhi jayada hoti hai. Daily breakfast mein oats ek acha option hai. Ab mein aap ko haldi ke baare mein btaungi. Ye cancer, weight, diabetes control karne mein help karta hai. Isliya aap haldi jarur use karein apne khane mein. Ye pancreas ke function ko bhi badhata hai.

Ab main chia seeds ke baare mein aap ko btaungi. Ismein kafi haad tak omega-3 & 6 fatty acids hote hain. Hum salads mein, soups mein isko use kar sakte hain. Iske baad mai aap ko dikha rahi hun pumpkin seeds. Iska bhi aap powder bana ke use kar sakte hain. Ye protein ka source hai and ismein ache fatty acids paaye jaate hain. Ye diabetes kam karne mein madad bhi karta hai. Moong daal kafi superior hai diabetes ko control karne mein. Ismein protein bhi hai and glycemic index bhi kam hai. Sugar kam karta hai and ache cholesterol ko badhata hai. Next is egg. Agar hum daily 2 eggs breakfast mein rakhte hain toh is se humari protein ki requirement ache se puri ho jati hai. Ek egg mein 6 gms protein and 70 calories hote hain. Ye diabetes ko control karte hain. Ismein potassium bhi kafi acha paya jaata hai. Ab mein aap ko walnuts ke baare mein btaungi. Ye diabetes and heart ke liya acha hota hai. Kyuki iske andar omega-3 fatty acids hain. Iske sath sath ismein kafi sare minerals like copper, magnese hote hain. Isko aap soak kar ke morning mein kha sakte hain. Agar hum daily 4-6 almonds soak kar ke khayein toh humein us se kafi benfit hota hai. Ye protein ka source hai and ismein vitamin-E bhi kafi acha milta hai. Ye fibre ka bhi source hai. Aap daily almonds diet mein rakh sakte hain.

Daily agar hum garlic ke 4 pieces khayein toh us se koi bhi wound bharne me help milti hai. Fish agar aap apni diet mein regularly include karte hain toh aap make sure karein ki aap use fry na karein. Kyuki uske sath bhohot sara oil body mein jata hai. Aap fish ka curry bana ke kha sakte hain. Fish ache fatty acids ka source hai. Ismein vitamin-D and protein milta hai. Isliya aap 150 gms fish daily consume kar sakte hain. Trifila ka powder weight loss mein help karta hai. Vitamin-C ka bhi acha source hai. Aap ki immunity bhi is se badhti hai. 1 bowl curd se bhi aap ka digestion kafi hota hai. It contains good bacteria. Insulin resistace se bhi diabetes control hota hai. Tomato ka soup bhi diabetes control karne mein help karta hai. Ismein vitamin-A & C bohot achi quantity mein hote hain. Jamun bhi diabetes ache s.e control karta hai. Ye bohot hi important source hai diabetes control karne ke liya.

Next is papaya. Diabetes ke patients ko hum kehte hain ki daily aap ko 2 fruits consume karne hain. Unmein se ek agar aap papaya rakhenge toh aap ke liya bohot benefit hoga. Kyuki papaya mein anti-oxidants and vitamin-A & C hote hain, fibre hota hai and diabetes control bhi acha karta hai and it is low glycemic. Agar aap 1 cup papaya lete hain toh aapke liya bohot acha hota hai. Next is apple. As they say apple a day keeps the Dr. away. So, it should be chosen by you in the meal. Aaple aap kisi bhi form mein consume kar sakte hain. Gooseberry consume karne se humari immunity badhti hai. Ye diabetes bhi control ache se karta hai. Next main aap ko btaungi guava ke baare mein. Ye sugar ke absorption ko kam karta hai. Is se aap ko 61 calories ek guava se milti hai. Ismein potassium and vitamin-C bhi acha hota hai. Aloevera ka juice hum daily agar 1 spoon lein toh is se humari immunity bhi badhti hai. Weight loss hota hai. Wound bhi jaldi heal hota hai. Immunity badhegi and cholesterol level kam hoga. Last but not least, pear bhi ek acha fruit hai diabetes ko control mein rakhne ke liya. Ismein vitamin-A & C, anti-oxidant and fibre kafi hadd tak acha milta hai. Ye sab fruits aap between the meals rakh sakte hain. Agar aap iske baare mein kuch bhi janna chahte hain toh aap mujhse Lybrate ke through contact kar sakte hain.

Thank You.

In case you have a concern or query you can always consult an expert & get answers to your questions!
3933 people found this helpful
Icon

Book appointment with top doctors for Diabetes treatment

View fees, clinic timings and reviews