I want to increase my height. Sir Mujhe bohot saram aati h. mai isliye kahi bahar Jana v band kr diya h me na chahte hue v sbse apni height compare krti rahti hu. Meri choti sis. V mjhse lmbi h koi v dekhta wo uski tarif krte Mjhe bht bura lgta h mai wha se hat Jati hu. Bt har jagah log uski personality ki tarif krte h.Mjhe bht bura lgta h m army join karna chahti thi bt height km home ki wajah Se Mjhe Mera dream chorna pda. Sir m is wajah Se hmesa depression m rahti hu or Ye kbhi khtm nhi hone wala. Sir please help me please. My height 4 ft 10 inch age 20.

Dr. Tarun VermaPsychologist7yrs exp

89% (59 ratings)

Ask Free Question

Dear, aapki problem ne kaafi pareshan kiya hua hai aapko. Aapke liye apni height ko accept kar paana mushkil ho raha hai. Agar aam taur pe dekhe to 4 ft 10 in ki height kaafi hoti hai ladkiyo ke liye. Hindustan me ladkiyo ki samanya height 4 ft 3 in hoti hai. Is lihaaj se aapki height kaafi hai. Magar aksar aisa hota hai ki hum mansik taur pe alag aankalan lagate hain apni khoobiyo ya vyaktitv ka. Jaise aapme bahut see khoobiya hongi. Maan lo aap padhai me 80 ank laate hain aksar. Par aapko aisa lagega ki ye kaafi nahi hain kyuki aapko kam se kam 95 ank chahiye. Zyadatar log shayad 60 ank hi la pate ho. Aap behtar hote huye bhi apne ko humesha kam mehsoos karoge kyuki aapko doosre aisa ehsaas dilate hain ki 80 ank kaafi nahi hain. Yeh kaaran aapne khud bhi bataya. Aap apni behen se tulna karte ho khud ki. Is karanvash aapko apni height 4 ft 10 in hote huye bhi kam lagti hai. Aapko apni behen se kee gayi tulna pasand nahi aati kyuki aapko usme bhed-bhaav dikhayi padta hai. Isliye aapka man har samay apni lambaayi ke sambandh me sochta rehta hai aur aap khud se khush nahi hain. Aapne army join karne ka bataya. Ho sakta hai ki army me selection na hone ka koi aur kaaran bhi ho. Par aap kyuki apni lambai ko apni kaamyabi ka adhaar maante ho isliye aapko lagta hai ki yehi kaaran hai jis vajah se aapka selection nahi hua. Aapko humesha se aisa bataya gaya hai ya aapne humesha aisa dekha hai ki lamba vyakti achha aur behtar hota hai. Lambi ladki bahut see khoobiya rakhti hai, aisa aapne samjha hai. Is vajah se aapne lambai ko apne vyaktitv ka adhaar bana liya hai. Jabki yeh sahi nahi hai. Aisa maanna ya aisa samajhna galat hai. Kayi kaarno se aisa sochna galat hai. Pehla to ye ki lambai se vyakti ke charitra ka pata nahi chalta. Doosra, Lambai hi keval ek maatra adhaar nahi vyakti ke moolya ko pehchaanne ka. Teesra, Lambai chhota ya zyada hona kisi ke haath me nahi. Ye genetic nature pe nirbhar karta hai. Aapko samajhna hoga ki lambai badhane se aaj aap khush reh sakte ho par kuch time baad aap fir nirasha mehsoos karoge. Aise me behtar hota hai ki hum sweekar kar le apne vyaktitv, roop aur charitr ko. Anyatha bevajah hi hum apne man ko dukhi karenge. Aapki lambai ek had tak hi badh sakti hai aur uska vikas ab 20 varsh ki aayu me poora ho chuka hai. Isse zyada ye aur nahi badh sakti. So aise me behtar yehi hoga ki aap sweekar kar le aur apne man ko doosro ki tulna se door karen. Apne man me lambai ke vicharo ko na aane de aur agar man nahi maanta to aap kisi counselor se paramarsh le. Aapko mazboot banne ki zarurat hai aur doosri khoobiyo pe dhyan dene ki aavshyakta hai. Aapme aur bhi bahut see khoobiya hogi jo aapki behen me nahi hain. Unpar dhyan do aur dekho ki aap bhi behtar ho. Army na sahi, koi aur profession chun sakte ho aap. Ya aap dobara apply karo army ke liye. Lambai ko apni zindagi mat banao. Ye koi manzil nahi hai aapki. 

1 person found this helpful