Gray Cells Matter

Hello,

Today we are interviewing Dr. Mrs. Aparna Gupta, who is a highly experienced, clinical psychologist and special educator. Hello ma’am, please introduce yourself. My name is Aparna Gupta and I have done M.Phil. in clinical psychology and Masters in Special Education. So I am wearing both hats, one of a clinical psychologist and the other of a special educator. My main area of work is psychological therapies for both adults and children and the geriatric population. As well as I conduct assessments for disability profiling in case of children and assessments also to determine different psychological disorders.

Maám, hum sab mein problems hoti hai, issues hote hai, humare andar aise kya symptoms hote hai jinke wajah se humein psychologists ke paas jaana chaiye?

Dekhiye, do tarah ki problems leke aate hai humare paas generally log. Ek toh basic issues hote hai day to day life ke. Jaise ki relationship issues ho gaye. Kai baar husband wife ki nahi banti hai toh wo log aa jate hai. Sibling rivalry hoti hai, bachcho mein do same ghar ke bachcho mein nahi banti hai toh vo log bhi aa sakte hai. Kabhi kabhi friendship mein issues ho jaate hai, jaise school ke bachcho mein kaafi baar issues ye aate hai jaise bullying ho gayi school mein ya kisi ko excluse kar diya ya kisi bachche ne teacher ko jyada pareshan kar diya jab classroom ka lesson le rahi hai. Toh iss tarah ke basic issues hote hai. Dusre issues ye bhi hote hai jo basic issues mein hi aate hai, vo ye ho gaya ki anger issues ki kisi ko kuch jyada hi gussa aa raha hai, toh kyu aa raha hai? Jiske wajah se sab log bade distressed hai patient hai jisko bada gussa aa raha hai vo bhi distressed hai ki mujhe har chhoti chhoti baat pe gussa aa jata hai. Toh iss tarah ke bhi log aate hai. Kuch log aise hote hai jo dukhi hote hai jaise depressed ho jaate hai, kuch log lonely hote hai jiski wajah se unhe depression ho jaata hai. Toh iss type ke basic issues humare paas aate hai. Dusra specific mental disorder ke jo patients hote hai vo bhi aate hai jaise ki anxiety disorders ho gaye, kai tarah ke anxiety disorders hote hai jaise phobias ho gaya, panic ho gayi fir OCD ho gaya yani obssessive compulsion disorder, fir depression ho gaya. Jisko bahut jyada major depression hota hai jaise ki unko bahut jyada neend aa rahi hai ya bahut kam neend aa rahi hai ya unki appetite bahut jyada badh gayi hai ya kam ho gayi hai ya unko suicide ke thoughts aane lage hai. Toh iss tarah ke mental disorder ke patients bhi humare paas aate hai. Kai patients aur bhi jyada severe mental disorders se grast hote hai jaise ki schizophrenia ho gaya, paranoia ho gaya. Jaise ki aaj kal log dilusional disorders bolte hai. Jisme ki insaan ko lagta hai ki log usko kisi tarah ki haani pahunchayeinge ya unhe kisi ki awazein sunai deti hai. Toh iss tarah ke severe mental disorders bhi aate hai humare paas. Fir kaafi log different type ke addictions ke wajah se bhi aate hai. Kisiko alchohal addiction hai, kisi ko drug addiction hai kisi ko betting addiction hai ya internet addiction hai. Iss tarah ke addiction ke patients humare paas aate hai.

Ma’am kin problems ke sath jab patient aata hai toh kya expect kar sakta hai thik hone ke liye?

Dekhiye, har ek patient unique hota hai aur uski problem bhi unique hoti hai. Toh agar mein ye chahu ki, meine apni kitabo mein ye padha tha ki iss particular marz ke liye ye therapy hoti hai aur mein uss therapy se kaam chala lu toh aisa nahi hota hai, kyuki har ek patient ka mindset alag hota hai. So, for example, agar mein ye chahti hu ki mein usse mindfulness meditation se treat karu par uska mindset mindful meditation seekhne ka nahi hai toh mein usse vo wala treatment nahi de sakti. Toh, basically, kehne ka matlab ye hai ki har ek patient ka ilaz uske mindset ke accordingly hota hai. Jo bhi therapy usse di jaati hai, uske mindset ke hisab se di jaati hai. Toh problem ek hi hoti lekin treatment har ek patient ka usike mindset ke hisab se diya jata hai.

Maám, as we all know, this is the suicide prevention week, what can you tell us about preventing suicides?

So, these days the instances of suicide are really increasing and everyone can help prevent suicide by simply engaging with the person who you think is looking little sad or depressed. So all you do is you can just ask that person, ‘How are you, sir?’ or ‘How are you, maám?’ and engage with that person with a little bit of conversation and that itself will go a long way towards preventing suicide. So friends, I hope the information that I have shared through this video is useful to you. 

Thank You!