Max Super Speciality Hospital, Saket

Hi,

I am Dr. Rajeev Rathi, Cardiologist. Hum sab heart disease ke baare mein baat karte rehte hain. Aur bohut baar ye baat hoti hai ki patient ko heart failure ho gaya. Ye hai kya? Ye vo bimari hai jis samay heart apni body ki demand ko pura nahi kar pata. Aur jab yeh condition achanak hoti hai, use hum acute heart failure kehte hain. Ise LVF ke naam se bhi jaana jata hai. Jab ye condition chronic ho jaati hai toh use hum chronic heart failure kehte hain. Aise patients ko bich bich mein achanak bohut tez saans bharne lagti hai. Ye hota kyu hai? Hum jaante hain ki heart muscles and valves ka bana hota hai. Jab kabhi bhi muscles damage ho jayein ya valves proper function na karein toh aisi condition mein heart failure ho sakta hai.

Aise mein patient ko ghabrana nahi chahiyai. Aaj kal bohut achi medicines aa gayi hain. Heart ki pumping capacity ko improve kiya jaa sakta hai. Jinhein thik nahi kiya jaa sakta at least unhein maintain kiya jaa sakta hai. Aur patient apni day today activities bina kisi dikkat ke puri kar leta hai. Meri aap logon ko yahi advice hogi agar kisi ko heart failure ho jaaye toh ghabrana ki Jarurat nahi hai. Aap apne Dr se miliye. Aap ko proper medicines di jayengi. Sath mein aap ko kuch chizon ka dhayan rakhna hai. Dr ke kehne ke according precautions lein and especially liquid jitna aap ko kaha jaaye utna hi lein. Sodium ki matra kam kariye apne khane mein.

You.