Common Specialities
{{speciality.keyWord}}
Common Issues
{{issue.keyWord}}
Common Treatments
{{treatment.keyWord}}

GERD (Gastroesophageal Reflux Disease)

Written and reviewed by
Dr. Gurwant Singh Lamba 85% (14 ratings)
DM, MD, MBBS
Gastroenterologist, Delhi  •  34 years experience
Play video

 

Namashkar dosto

Me hu doctor GS Lamba chief of gastroenterologist and hepatology balaji action pashchim bihar delhi se. Aj ham bat karen gy ek bohat he common problem ki jo he GERD(gastro esophageal reflux disease) jisko ham aam bhasa mein acidity, acid reflux ya tez ki problem ky nam sy bhe janty hein. Ajkal ky mahoole bohat sy log is problem sy garast he ar isky symptoms sy pareshan hein to aj ham isi ky bary mein kuch batein karen gy. Acidity ka mukhiya lakhshan kiya h? Acidity ka mukhiye lakshan he chaati ke bechobech hadi ke pechy jalan hona ar kaai bar ye jalan itni taiz ho jati he ke ye dard ka rop bhe dharan kar leti he isky ilava jo aniye lakhsan is bemari ky hein wo un me he pait ky upari hise me jalan hona ya dard hona, khaty dakar ana, mu me bar bar pani ana ,ya is tarah ke problem acidity sy ho sakti hein. But kaii bari esa hota he in common symptoms sy to ap sb wakif hein but kaai bari esa hota he ke asadharan sy symptoms bhe acidity me hoty he jis ko aksar mareez pehchan nahe paty Ky ye acidity ka karan he h ar aksar wo idhr udhr ilaj ky liye bhatakty rehty hein. In asadharan symptoms mein he jesy bar bar gala kahrab jesa mehsus hona,bar bar galy ko clear karny ke talab hona ,bar bar gala saf karny ki andar sy talab uthti rehti he, kai bar sans ka phulna ya asthma jesy symptoms hona ,ye bhe acidity ky karan hoty hein, bar bar mu mein chalay ana ,ya dantoe saraan peda hona. Ya sari chezen jo hein ye acidity ky karan ho sakti hein ar in asadharan symptoms ko aksar pehchan'na mushkil ho jata he. Ab acidity jo he isy ham diagnose kesy karty hein?

Jesy mene btaya ky ham boht sary mareezo ky symptoms bohat typical hoty hein ar jb wo apny lakhsan btaty hein to ham diagnose kar lete hein ky ye acidity ki problem he aur usi hisab se uska ilaj karty hein. Par jesa ke mene btaya ky kaaii bar symptoms asadharan bhe hoty hein. Agr esa kuch hota h to isko bohat asani sy jhanch kar ke diagnose kar saktey hein. Jo isky liye sb sy barhiaa jhanch he wo he endoscopy jis me ham ek dur-bin camera sy do minute me khany ke nali ar pait ke andar jhank sakty hein dekh sakty hein aur Problem ko diagnose kar Sakty hein ar na he kewal problem diagnose kar sakty hein but is sy hony wali jo complications hein unko bhe diagnose ham kar sakte hein. Ab jahan tak is bemari ke ilaj ka sawal he iska ilaj do tarah sy hota he. Kch esy parhaiz ya esy ehtiyat hein ya lifestyle modifications hein jo mareez ko khud karny parte hein ar kuch daway hein jo ham mareez ko khud dyty hein. Isky bary me bohat sy mareez aksar ham sy sawal puchty hein ky hamy kiya khana chahye kiya nahi khana chahye kia karna chahye kiya nahe karna chahye agr hamy acidity he. To aj ham un baton ka thira vistaar me discuss karen gy. Jin mareezo ko acidity rehti he sab sy pehle unhy bohat ziada tala huva ar mirch masaly wala khana nahe khana chahye kiu is sy acid production ziada hote he aur symptoms jo hein ziada hon ge. Isky ilava gas bhari huvi jo soft drinks hote hein specially jo cola drinks hoti hein unko agar ham bohat ziada lety hein to unko avoid karna chahye. Isky ilava agar ap chaaye ar cofee ka istimal ziada karty hein to usko kam karna chahye kiu ky caffeine sy bhe acidity jo he ziada banti he. Isky ilava bhe khany ke kuch chezen he jesy choclate he, peppermint he ,fruit juice he ,unsy bhe acidity jo he wo ziada hoti he aur acidity Ky mareez agar ye lein gy to is sy ziada pareshan log hoty hein.

Ek aue jo mukhiye karan he acidity ka wo he cigarette smoking. Cigarette sy jo he acidity bohat banti he to acidity ke mareezo ko cigarette ka istimal nahe karna chahye ar wesy bhe nahi karna chaye kiu acidity ky ilava bhe ar bohat bary bary nuqsan ho sakty hein. Isky ilava alcohal leny sy bhe acidity ziada hoti he to alcohal ka ziada istimal bhe kam karna chahye agar apko acidity ke problem he. Ajkal ke wayask jevan me ham ny ye bhe dekha he ke har insan bohat busy he time nahi he is liye ohat log jo hein rat ko der sy khana kahtey hein ar khaty sath he so jaty hein. Jin logo ko acidity ke problem he un logo ko dehan rakhna chahye ke unky raat ky khany mein ar sony me kam sy kam teen ghanty ka antaral ho. So acid jo he nichy utar jaay ar acid unki khany ki nali me naa ay Agar esa karen gy to acidity ky symptoms sy unhe bohat nivaran mily ga. Isky ilava rat ko soty waqat tight clothing ziada nahe pehn'i chahye us sy bhe acidity ky symptoms ziada hoty hein. Agar ap in choti choti baton ka dehan rakhein gy to bohat bari ap ko dawaio ki zarurat bhe nahi pary ge doctor ki zarurat bhe nahe pary ge ar apki acidity ky symptoms thk ho jayen gy bt agar ye sab karny ke bawajud bhe apko acidity ke problem rehti he to apko dawaio ka istimal karna parey ga ar doctor ki raay'e ly ke ap aram sy is bemari sy chutkara pa sakety hein aur ye achi bat he ke jo dawaiya'an ajkal available hein wo bohat he asar daar hein safe hein ar lamby samey tak lii ja sakti hein . Ek bat jo last mein me kehna chahu ga ky ham ny dekha he ke bohat sy mareez jo hoty hein wo acidity ko khud he diagnose kar ke usky liye dawai lyty rehty hein chahy wo ghareelu nuskhay hon chahy wo ayovedik dawaiya ho ya chemist sy ly ke hon to is bat ka hamy dehan rakhna he ke agar in sb ky bawajud bhe apky symptoms chalt rehty hein agar apko asadharan symptoms hein agar jalan ke sath sath apko khany me bhe dikaat arahi he. Apka khana atak raha he ya apky khoon ke kami a rahi he. Agar apko bar bar ulti ho rahe he agar apko bohat tez Pait me dard uth'ta he ya apka wazan kam ho rhaa he to is stithi me khud kiripya dawaiya mat lein. Kisi specialist sy mil ke uski raaye sy he dawai lein ar usky bad apna ilaj karvayen.

Isi ky sath apki achi sehat ki kamna karty huvy ham wida lety hein. Dhanevad

3410 people found this helpful