Common Specialities
{{speciality.keyWord}}
Common Issues
{{issue.keyWord}}
Common Treatments
{{treatment.keyWord}}

Fatty Liver

Written and reviewed by
Dr. Gurwant Singh Lamba 86% (14 ratings)
DM, MD, MBBS
Gastroenterologist, Delhi  •  34 years experience
Play video

Hello!

Main Dr. Gurwant Singh Lamba, Gastroenterologist. Aaj hum bat kerenge fatty liver disease ke bare me. Ultrasound krane kebaad pta chalta hai ki patient ko fatty liver ka problem ho gya hai. Patient panic bhi hote hain ki is bimari se ab aage kya hoga. Fatty liver sabse common disease hai. Isme apke liver me fat deposit ho jata hai. Agar ye fat liver me rhega to future me liver inflammation start ho jata hai. Is se liver cells bhi damage hone shuru ho jate hain. Liver tight hone lgta hai and usme fibrosis ho jata hai.

Ultimately liver function kerna band kar deta hai or body ko isse kafi harm hota hai. Later on ye liver cancer me bhi convert ho skta hai. Liver me fat kyu aata hai. Iske kayi karan hai. Fatty liver ka main reason hai overweight hona. Diabetes bhi fatty liver ka ek cause hai. Agar apke blood me cholesterol or glyceride hai to bhi fatty liver hone ke chances hain. Alcohol bhi iska ek cause hai. Use alcoholic fatty liver disease kehte hain.

Isko diagnose krne ke lia ultrasound sabse easy way hai. Kitna damage ho chuka hai, ye bhi easily pta chal jata hai. Iske lia test hai - fibroscan. Blood test krke bhi liver function dekha jata hai. Fatty liver se ghabrane ki jrurat nhi hai. Iske lia kuch precautions lene hote hain. Or agar aap ache se precautions follow krenge to ye bimari bilkul thik ho skti hai. Iska sabse acha treatment hai diet and exercise.

Achi diet lene se aap is bimari ko overcome kar skte hain. And exercise krne se bhi aap is bimari ko overcome kar skte hain. Kayi bar lean logon ko bhi ye problem ho jati hai. But agar aap exercise krenge to fat apke liver se nikal jata hai. Agar apko fatty liver hai to aap apna regular blood sugar check kraiye. Cholesterol high hai to aap uska bhi treatment len. Kuch medicines bhi apko help krti hai fatty liver overcome krne me but jyada achi medicines bhi iske lia available nhi hai. Agar aap regular exercise and achi diet lete hain to apko medicines ki jrurat bhi nhi pdegi.

Isko prevent krna bhut easy hai agar aap healthy lifestyle follow krte hain. Aaj kal observe kia gya hai ki bachon ko bhi ye bimari bhut jyada ho rhi hai. Bachon me iska main cause hi obesity and junk food, fried foods hai. Outdoor exercise bache krte nhi hai. Islia ye bachon me bhut jyada dekhi ja rhi hai. Agar hume bachon ke lia prevent krna hai to hume unhe overweight nhi hone dena. Unko exercise ke lia encourage krna hai or apne apko is se bacha ke rkhen.

Thank You.

2372 people found this helpful