Common Specialities
{{speciality.keyWord}}
Common Issues
{{issue.keyWord}}
Common Treatments
{{treatment.keyWord}}

Cognitive Behavioral Therapy

Written and reviewed by
Dr. Vikas Deshmukh 89% (86 ratings)
MBBS, M.D Psychiatry , Diploma In Psychological Medicine
Sexologist, Navi Mumbai  •  14 years experience
Play video

Hello Everyone! I am Dr. Vikas Deshmukh. I am a consultant psychiatrist at Manovikas Clinic, Vashi, Sec-17.

Aaj hum baat krne vale hain ek naye disorder ke bare mei jiska naam hai obsessive-compulsive disorder (OCD). OCD ek psychological disorder hai, ek mansik bimari hai. Jisme patient ko ek hi tarha ke vichar baar baar aate hain. Aur vo vichar kam krne ke liye ek hi tarha ke action ko vo baar baar krte rehte hain. Ye disorder ki vjha se bahut sare patients ki life kafi hadd tak kharab hoti hai. Kafi hadd tak unka quality of life bigad jata hai. Bahut saare patients pareshan rehte hain. To aaj is disorder ke baare mei thoda detail me jaante hain.

OCD mein 2 chizen bahut common hoti hai. Ek naam mein hi hai obsession or dusra compulsion. Obsession yani bar bar ek hi tarha ka vichar aana. Compulsion yanike patient vo vichar kam krne k lia kuch action leta hai ya koi behavior dikhata hai. Use compulsion bolte hain. Jaise obsession hai dirt ke bare mei. Ki bar bar mere hath gande hue hain, mera ghar ganda hai, mera body ganda hai. To aise me patient ke dimag mei aata hai ki saaf nhi hai mera hath. Is obession ki vajha se compulsion ye ho jata hai ki patient bar bar jake hath dhoyega.

So, din mei 10-50 bar haath hi dhote rehta hai. Fir bhi uska ye thought kam nhi hota hai. Uske mann mei soch ayegi or vo hath dhoyega, relax lgega or fir hath jake dhoyega. To isi cycle me patient atka rehta hai. Dusra obsession rehta hai sexual content. Patient ko apne bare mei, apne close relative ke bare mei, jaise mummy, daddy, behan, unke bhagwan, unke bare mei kuch buri soch aati hai. Patient iss chiz se bhut disturb ho jata hai. Aur is se disturb na ho, iske liye patient ke mann mei apne aap ek thinking start hoti hai, mai aisa krunga to mujhe us chiz ka paap nhi lgega. Jaise mai 10 baar bhagwan ko namaskar krunga ya 3 bar namaskar krunga to mai kisi bhi side-effect se bach skta hun. 3rd is checking. Baar baar aisa lgta hai ki mene kahin gas ka button khula to nhi chora. Mene ghar ka darwaza lock krna to nhi chora hai. Mere computer ka button off to nhi kiya hai. OCD mei 10 bar har chiz check krne ke baad bhi doubt rehta hai. Kyuki vo satisfaction nhi aata hai. 4th is perfection, chizen arrange krna. Unko hmesha lgta hai ki ye table thik se arrange nhi hai.

Ye thoda sa teda hai. Aur us thought ki vjha se bar bar usko thik krne mei lage rehte hain. To kafi sara quality time, energy ye sab compulsions mei jata hai jo bilkul bhi fruitful nhi rehta. Meri ek patient hai jo bartan dhone baithti hai to baar baar unhi bartan ko dhoti rhegi quki use lgta hai ki ye saaf nhi hai. Use ye satisfaction hi nhi hota tha ki bartan clean hue hain. To OCD ka ek cycle rehta hai. Unhe baar baar anxiety aata hai. Baar baar ye kam krne se unke haath me changes dikhayi dete hain. Dusra agar adults rahen to unhe lagta hai ki ye unnecessary thoughts hain. Mujhe inko control krna chaiye. Lekin bahut baar bachon mei ye samjh nhi aata hai.

As a parent, or as a teacher, aap bachon ko samjhayein. Generally ye common rehta hai teenage me. 14-30 ki age me. 30 ke baad start hona thoda sa uncommon hai. Generally 30 se pehle ye bimari start hota hai. Kam se kam 2 saal ke bachon mei bhi paya gya hai. Bahut sare mere patients hain jo 5-7 saal ke bhi hain. Iske genetic kaaran hain. Apne relatives se ye bimari aap mei payi jati hai. OCD ka ek genes rehta hai jo parents ke through apne mei aay rehta hai. Stressful environment ki vajha se bhi kbhi kbhi OCD rehta hai. Biological matlb brain changes. Serotonin chemical hai jo vo satisfaction deta hai. Agar serotonin level kam ho jaye to satisfaction kahin na kahin nhi milta hai. Jiski vajha se baar bar vo vhi kam krta hai ki use satisfaction mile.

Kabhi infections ki vajha se bhi OCD ho skta hai. To treatment iska kya hai. Treatment iska 3 tarike ka hai. Ek hai pharmacological treatment. Medicines jo doctor denge or is se bahut hadd tak OCD control kiya ja sakta hai. Dusra hai psychotherapy Psychotherapy mei cognitive behavioural therapy bahut important hai. Aur ye OCD mei bahut ache tarike se kaam karta hai. Teesra jo hum doctors nhi kar sakte but aap log kar skte ho hai family support. Kabhi aisa na bole ki itna ganda tu kaise soch skta hai. Aise vichar tere maan mei kaise aate hain. Patient ye jaan bhuj ke nhi krta hai. Ye bimari hai. Jaise typhoid aane se aapko fever aa skta hai. Vaise OCD hone se uski soch ho sakti hai.

To aapka support is treatment ke liye bahut zaruri hai. Agar aap ache se usko samjh lenge or ache se support krenge, to aise patients ke chances thik hone ke dugne ho jate hain. So, thank you very much for your patient listening. Mere bare mei aur janne ke liye ya fir appointment book karne ke liye, kindly go through Lybrate website. Thank you very much.

7939 people found this helpful