Common Specialities
{{speciality.keyWord}}
Common Issues
{{issue.keyWord}}
Common Treatments
{{treatment.keyWord}}

Use Of Technology In Diabetes Management!

Written and reviewed by
Dr. Brij Mohan Makkar 86% (10 ratings)
MD - Medicine, MBBS, FICP, FRCP (Glasgow), FACE
Endocrinologist, Delhi  •  38 years experience
Play video

 

Hello,

I am Doctor Brij Makkar. I am a diabetologist. Aaj main aapko diabetes mein technology ham kaise use kar sakte hain diabetes management ko better kerne ke liye iske bare mein kuch bataunga. Jaisa ki aap jante hain technology bohot speed pe advance ho rahi hai aur technological advances life ke har aspect mein applicable hai. Aise hi diabetes management mein bhi technology ki madad se ham diabetes ka management improve kar sakte hain, diabetes ke result improve kar sakte hain aur patient ki life better kar sakte hain. Do jo important aspects hai diabetes management ke jinme technological advances hue hain wo hain ek to sugar ki monitoring, sugar ka test karna aur dusra jo hai jo ham insulin dete hain, insulin ko dene ki jo devices hai injection devices usmein kafi changes aaye hain.

Pehla front hai ki hamen sugar regular basis per check karni padati hai jiske bina ham sugar par control dhang se nahin kar sakte, to Jo glucometer se sugar test kari jaati hai ghar par usko self monitoring aur blood glucose kehte hain wo sabh patient ke liye advisable hota hai aur normally har patient ko average 3 se 4 bar sugar check karni chahiye jab tak wo control nahin hai, jab control ho jata hai jaisa uske doctor usko salah dete hain come frequency par wo sugar test kartesakte hain but khali glucometer se sugar test karna khali 1 fasting aur khane ke bad ki sugar check kerna kafi nahin hota ek aur important parameter hai jo glucose mein variability hoti hai, jo fluctuations hoti hai sugar ke level mein wo bhi kafi important hoti hai joki aap ki complications ka risk badhati hai. In fluctuations ko ham identify kar sakte hain aajkal continuous glucose monitoring se that means hum sugar monitoring or regular basis pe, continuous basis pe 24 ghante ke liye monitor kar sakte hain aur uske liye hamare pass 2-3 different tarike ke continuous glucose monitoring devices aati hai. Kuch hai ki jo har 15 minute mein sugar check karte hain, sensor laga diya jata hai patient ko jismein har 15 minute sugar record hoti reti hai aur wo 2 hafte tak ham record kar sakte hain. Aise hi kuch sensor hai jo har 5 minute mein record karte hain aur ham ek hafte se 2 hafte tak record kar sakte aur uske basis per ham yeh dekh sakte hain ki 24 ghante mein sugar kitni fluctuate karti hai aur kaise ham davaiyan change karke ya diet ka eating pattern change karke ham wo sugar ki fluctuation ko kam kar sakte hain.

Dusra aspect Jo important hai wo hai insulin dena khaas taur par insulin isliye main baat kar raha hun kyunki insulin ek dawai hai jo injection ke raste di jaati hai aur injection se har patient ko dar rehata hai dimag mein lekin aaj ki tarikh mein mostly insulin pen devices mein available hai. Ek pen ki shape mein syringe hoti hai jisme insulin bhara rahata hai apko dose adjustment bohot aasan hoti hai kyunki usmein dial hota hai jisse aap dose dial karte hai, needle bohot hi chhoti hoti hai 4 mm ki needle hoti hai aur 30 gauge hoti hai aur 31 gauge hoti hai jo practically uske choobhne ka bhi aapko pata nahin chalta aur usse bilkul accurate dosing aap kar sakte hain.

To Jo regular syringes hai uske badle mein agar aap pen devices bhi use karte hain to insulin injection lagana bohot asan ho jata hai. Iske alava aaj ki date mein insulin pumps be available hai jisme aap ek pump, ek needle ke raste aapke skin ke andar insulin continuously infuse karta rehta hai that means aap 24 ghante aapko insulin bohot slow dose mein chalta rahata hai jisse ki aapka sugar 24 ghante continuous control mein rehta hai aur usmein yeh bhi option hota hai ki agar aap kuch extra khaa rahe hain to ek button daba kar aap 1 extra dose le sakte hain uske liye aapko alag se injection nahi lagana padta vahi pump ek sensor ke raaste aapki sugar read bhi karta rahata hai aur aaj ki date mein yeh bhi possibility hoti hai ki aapane agar sensor ki control range set ki hai to sugar low ho rahi hai to aapko alert deta hai, sugar badh rahi hai tu bhi aapko alert aata hain ya sugar low ho rahi hai to insulin jaana band ho jata hai automatically jisse ki sugar low hone ka risk bhi kam ho jata hai. So dono hi tarike se sugar monitoring aur jo insulin infusion dono hi technologies kafi useful hain diabetes management ke liye.

Thank you

In case you have a concern or query you can always consult an expert & get answers to your questions!
2417 people found this helpful
Icon

Book appointment with top doctors for Diabetes treatment

View fees, clinic timings and reviews