Common Specialities
{{speciality.keyWord}}
Common Issues
{{issue.keyWord}}
Common Treatments
{{treatment.keyWord}}

Fungal Infection

Written and reviewed by
Dr. Sandeep Gupta 93% (1629 ratings)
MBBS, MD - Dermatology, observership Dermatosurgery IADVL
Dermatologist, Delhi  •  16 years experience
Play video

Namaskar mai Dr Sandeev Gupta, Balaji Skin Clinic, Hari Nagar, Nai Delhi se aapse baat kar raha hoon. Aapko gyat hi hoga ki aaj-kal fungal infection ya daad bahut jayada bad gaye hain. Toh aaj hum usi bare mein, usko theek karne ke bare mein, dobara na hone ke upayon ke bare mein baat karenge. Sabse pehle mera aapko paramarsh rahega ki jab aapko koi skin problem ho, koi daad ho, fungal infection ho aap sirf cherm rog visheshagya kom hi dikhaiye, skin specialist ko hi dikhaiye, kyunki wo hi aapka achche se ilaaj kar sakte hain. Apne doston se, apne chemist se direct dawa mat lijiye wo aapki daad ko bada sakti hai. Uske alawa doctor, cherm rog visheshgya jis taranh aapko jitney samay ke liye dawaie deta hain, jjitne samay ke baad bulate hain uska paalan kariye, niyamit roop se dawaie lijiye, khrak lijiye. Dawaie ko jitney samay ke liye liya gaya hai utne samay ke liye lijiye usko chodiye mat. Chakte theek honey ke baad tak bhi aapko dawaie leni pad sakti hai, uska main karan ye hai ki sankraman dobara na failey. Agar aap bahut samay pehle band kar dete hai dawaie toh sankraman dobara se bahut jaldi aa sakta hai. Aur cream lagane ka bhi tareeka hai, jiss area pe daad hai uss area ko achche se dhoiye aur saaf karke phir cream lagaiye, jis taranh se doctor ne bataya hai. Aur cream jitna area hai uske bahar 2 cm ya ek inc tak aapko usko lagana hai. Aur usko lagbhag ek ya do baar lagana hota hai. Inn dawaiyon ke alawa, ghar mein jo perhaij aapko upyog mein lane hain wo hain ki aap sabse pehle tight kapde mat pehaniye- tight jeans, tight pents, tight shirts yeh pasine ko badawa dete hain, moisture ko badawa dete hain jisse fungal infection ko grow karne mein, daad ko grow karne mein bahut help milti hai. Dusra apne kapde share mat kariye apni family ke saath, apne friends ke saath including undergarments, undergarments ko bhi share nahi karna hai. Undergarments ko jab bhi aap dubara dhoyen, toh usko dhoop mein sukhiyen, ya phir agar aap dhoop mein nahi sukha sakte, toh usko press karke pehaniye. Aur mojo ko, jurabo ko aap daily badlien, share mat kare mojo ko bhi, aur chadro aur kapdo ko garam pani mein dhoyen. Aur jab aap apna jhadu-pohcha karte hain ghar mein, toh jaadu karne ke baad pohche ke pani mein detergent ka use Karen, aur uske baad aap vaccum karenge toh bahut achchi baat hai. Carpet pe, gym mein, swimming mein, pools mein nange paire mat chaliye kyuki wahan se infection aap ke pairon mein aa sakte hai jo aap ke shareer mein skin ke hisso mein fail sakti hai. Aur aapke jo kapde hai usko aalag se dhoye, agar aap ko infection hai toh aur nakhuno ko chota rakhe, bahut chota mat katte nahi toh ingrown toenail ho sakta hai. Toh mujhe ye lagta hai ki iss information ke sath aap apne infection ko achche se treat kar payenge aur usko dobara hone se bhi bacha sakenge.

Mai aapka samay lene ke liye aapka dhnyawad karta hoon, aur agar aap humse milna chahte hain toh Lybrate.com ya phir hamare clinic hai Balaji Skin Clinic jiski website hai www.balajiskintreatment.com pe visit karke aap personally clinic mein aa sakte hain, Dhanyawad.

3809 people found this helpful
Icon

Book appointment with top doctors for Fungal Infection treatment

View fees, clinic timings and reviews