Common Specialities
{{speciality.keyWord}}
Common Issues
{{issue.keyWord}}
Common Treatments
{{treatment.keyWord}}

Menstrual Irregularities

Written and reviewed by
Dr. Charu Agarwal 92% (221 ratings)
Bachelor of Ayurveda, Medicine & Surgery (BAMS)
Ayurvedic Doctor,  •  16 years experience
Play video

Hi! Mai Dr. Charu Agarwal, ek Ayurvedacharya hun.

Aaj mai aapse baat krna chahti hun menstrual irregularities ke bare mei. Menses ek detoxification process hai, jis se uterine cavity clean hoti hai. Masik dharam ki aniyamtta, iske piche bhut sare kaaran ho sakte hain. Kuch logon ko periods bahut jaldi jaldi aate hai aur kisi ko bahut late aate hai. Kisiko kam or kisiko jyada bleeding ho sakti hai.

Iske piche bahut se kaaran hote hain, jaise aap jante hain isme hormonal imbalance rehta hai. To hum ayurveda me iske piche jo karan mante hain, ya iski jo chikitsa krte hain, uske baare mein hum aaj baat karenge. Jaise ki kisi kisi ko periods bahut jaldi aate hain ya bahut zyaada din tak bleeding hoti hai ya heavy flow hota hai. To usme kahin na kahin hum kaaran mante hain pitt ko, heat ko. Kuch log hote hain jo bahut zyaada garam chizen ya khatti chizen ya namkeen chizen, is tarha ki chizen bahut zyaada khaate hain.

Fast food, bahar ke golgappe, tikki to is se, specially during menses, periods ke time pe ye sab chizen jyada khane se, aapki body me heat badh sakti hai, garmi badh sakti hai. Heat badhne ke or bhi kaaran ho skte hain jaise ki aapka gussa andar hi dabba lena, ya fir stressful life. To in sab kaarano se aapko hormonal imbalance ho sakta hai. Periods ka jldi jldi aana ya heavy bleeding ho sakti hai. Uski vajha se aapko khoon ki kami bhi ho sakti hai.

Iske liye sabse pehle aapko koi bhi garam chiz ya khatti chizen, namkeen chizen, inka sewan rokna chahiye. Iske alawa dusri taraf hum dekhen to stress se hi kuch logon ko periods ka flow proper nhi hota. Jaise kuch log kehte hain ki unko ek hi din sirf bleeding aati hai. Kisi kisi ko periods bhut prolonged ho jati hai. Jaise kisi kisi ko bhut lambe duration ke baad aate hain. Ya fir periods kisi ko aate hi nhi hai. Iske piche kayi bar kaaran khoon ki kami bhi ho skta hai.

Ya dusra kaaran agar hum dekhe to kuch log bhut thandi chizon ka ya bhari bhojan ka bhut jyada sewan krte hain, uss se cough ka body me prakope ho skta hai or body ke channels block ho skte hain. Jaise apne dekha hoga PCOD ke case me ya hypothyrodism mei, inn chizon mei generally blockage rehta hai or aap weight gain karte chale jate hain. Vajan badhta hai or periods proper time pe nhi aate. Hum aapko ayurvedic medicines dete hain jis se aapka cleaning ho.

Ye dono chizen hormonal imbalance se related hain. Lekin in dono ke kaaran alag alag hain. To hume pehle kaaran ka nivaran karna hoga. Aur sabse jyada important hai aapka khan peen acha hona chahiye. Healthy lifestyle hona chahiye. Aur most importantly stress free life ke liye aapko apni mansik shanti banaye rakhni chahiye. Iss tarike nivaran ke liye aap ayurvedic upchar le skte hain. Thank you!

4869 people found this helpful