Common Specialities
{{speciality.keyWord}}
Common Issues
{{issue.keyWord}}
Common Treatments
{{treatment.keyWord}}

Intrauterine Insemination (IUI) - Things To Know!

Written and reviewed by
Dr. Ornate Hospital 89% (168 ratings)
Gynaecologist, Navi Mumbai
Play video

Hello,

Main Dr. Shubhangi Adate. Main gynecologist hun aur main pichhle 10 sal se practice kar rahi hoon. Aaj ka maine topic decide kiya hai intrauterine insemination jise hum IUI kehte hain. Ye IUI hota kya hai, isme exactly karte kya hai? Actually ye aisa procedure hai jaha pe jo couples pregnancy nahin kar sakte un logon ke liye hai yeh ek procedure hai. Iska process day 2 matlab second day of periods se start hota hai. Iske liye hum pehle usdin sonography karke dekte hain ki iski previous cycle ka koi cyst ya koi abnormal growth vagrah bacha to nahi. Iske bad ek series sonographies hoti hai jisko bolte hai follicular study. Uske pehle hum anda badhne ke liye dawiyan dete hain jo 5 dino ki hoti hain. Jab ye follicles ka sonography hota hai usme hum ye dekhte hai ki apki ande mein jo beej hai vo kitna badh raha hai. Jab vo 18-20 mm size ka tak pahuch jata hai us time pe hum ek injection lagate hai jise hum trigger injection kehte hai.

Trigger injection karta kya hai? Vo aapke ande banane ki prakriya ko complete karke anda fodta hai, isko hum ovulation kehte hain. Ye ovulation hota kab hai? Ye exactly injection ke 36 to 48 hours ke bad ye ovulation hota hai and that is exactly the day jisdin hum log IUI karte hain. This is a planned procedure. Abi IUI ke din kya hota hai? Usdin apke husband ko ya fir agar koi donor semen ka arrangement karna hai to us hisab se vo sample processing ke liye lab mein jata hai. Iss process ko around 1-1.5 ghanta lagta hai. Iss process mein sperm samples mein se jo sperms motile nahi hai ya fir jinke motions nahi ho rahe hai, jo ache viable sperms nahi hai ya fir unme abnormal jo sperms hai, abnormal dikhne wale sperms ye sare sperms ko usme se hataya jata hai aur ekdum ache quality ke jise hum achi motility vale sperms jo hote hai unka ek sample banake vo apko send kiya jata hai.

IUI ke time pe apko procedure room mein liya jata hai, vaha pe aapko lithotomy position di jati hai, us position mein ek choti nali ke sahayata se 1-2 ml jitna bhi sample aya ho vo directly apke garbh thaili mein means uterus mein istill karte hai aur use hi intrauterine examination kehte hain. Isme pain hota hai, to mai kahungi itna nahi jitna aap soch rahe hai. Isme jitna aap internal checkup par gynaec se jo pain hota hoga utna hi pain aapko iss procedure ka hota hai. Iska na hi koi side effect rehta hai, na aapko ye pain bahut time tak rahega aur na hi aapko isse kuch tension leni ki bat hai. IUI ke bad aapko ek 15-20 min ke aas pass procedure room mein rakha jata hai, uske bad aapko procedure room se bahar lenge. Fir aap aapki gynaec se milenge, vo aapko aage ki medications inform karenge aur aapko bataenge aap ka procedure kaise hua. Ye raha aapke IUI ke bare mein. Abhi sabse important cheez jo mujhe sab log puchte hain ki IUI ke baad kya karna hai, kya cheeze nahi karni hai, kya khana khana hai, kaise rehna hai, kya mai chal sakti hoon, kya main kaam pe ja sakti hoon. Ye sab cheeze. Aap IUI ke baad sari aapki puri ki puri life normal tareeke se aap bita sakte ho.

Aapko na hi sona hai na hi sirf aram karna hai, khane peene mein koi parhej nahin hota at the same time aap apna job bhi join kar sakte hain usi din se. Agar mujhe IUI ke success rate ke bare mein agar koi puche, I would like to tell ki jitna success rate normally try karne mein hota hai IUI usse double deta hai. Agar normally try karne mein aap 5-10% agar aap soch rahe hain to with IUI aapko 15-20% tak success rate mil sakta hai. Abhi agar decide karein ki kin logon mein IUI karna chahiye aur kin logon mein IUI nahi karna chahiye, IUI karne ke indications hai jo log ek saal ke upar se try kar rahe hai aur vo bachcha nahi ho paa raha, jinke sperm counts thode se kam hai ya fir jinko ejaculatory dysfunction hai ya fir jo intercourse mein koi problem ho rahi hai ya fir painful intercourse ho raha hai ya fir koi female pelvic mein problem hai jiski vajah se female position nahi de paa rahi ye sab cases mein aap IUI kar sakte hain.

IUI karne se pehle ye cheezo ka dhyaan dena zaruri hai ki husband ka semen analysis kaisa hai, agar vo semen analysis 10-15 million count se bhi kam hai to donor ke liye opt karna hota hai ya fir agar 10-15 millions ke upar rahega to husband semen analysis bhi chalte hai. Second cheez female ki fallopian tubes ki patency check karna bahut jaruri hai jise hum log garhb-nalika kehte hain kyunki uske bad hi male aur female gametes ka milan ho sakta hai. Teesri cheez IUI ki success rate ke bare mein aapko jankari hona bahut zaruri hai. Abi IUI hone ke bad kya? Abi pregnancy kab expect karni chahiye? Ye ab aapke period ke date ke upar nirbhar karta hai, ye hamesha ovulation ke 15-20 din ke baad aap check kar sakte hai ki whether aap pregnant hai ya nahi hai ya aapke period ki date cross hone ke 2 din ke baad aap apne gynecologist ke paas jaiye aur vo aapko confirmation denge. I hope mera yeh video aapko aapke successful pregnancy ke taraf le jaane mein madad kare. Thank you very much and do watch mere baki ke videos on lybrate page. Mai Dr. Shubhangi Adate.

Thank you

In case you have a concern or query you can always consult a specialist & get answers to your questions!
4638 people found this helpful