Common Specialities
{{speciality.keyWord}}
Common Issues
{{issue.keyWord}}
Common Treatments
{{treatment.keyWord}}

Hernia - Know More About It

Written and reviewed by
Dr. Gaurav Bansal 91% (2301 ratings)
MBBS, MS-General Surgery , FMAS, FIAGES
General Surgeon, Gurgaon  •  19 years experience
Play video

Hi,

I am Dr. Gaurav Bansal, General Surgeon. Mai aaj baat karunga hernia ke baarein mein. Hernia peat ki sujan hoti hai jo khade hone, baithne, khassi hone pe ya peat pe bul lagane se ubhar jaati hai. Aur jaise hi aap letenge, baith jaati hai. Kisi kisi ki Sujan kam hi nahi hoti hai. Hernia kisi bhi age mein aur kisi ko bhi affect kar sakta hai. Bachone mein hernia ya toh bachpan se hi hota hai ya fir jab bada hota hai tab vahan pe ubhar ke sujan aani shuru ho jaati hai. Ye sujan nabhi ke aas pass kahin bhi ho sakti hai. Peat ke side mein ya fir growin region mein ho sakti hai. Bade logon mein hernia growin region mein possible hai kyuki unhein prostate Badh jata hai. Hernia ke aur bhi kayi karan hain jaise smoking ya fir kuch kudarati tissues humare kamjoor hote hain jinse hernia hota hai. Apne dekha hoga jab aap ka koi operation hota hai toh thode hi din mein vahan mein swelling ho jaati hai.

Use incisional hernia kehte hain. Ultrasound and CT scan se easily detect ho sakta hai. Hernia hone ka karan hai weak muscles hona peat ke aas paas. Ise thik karne ke lia ek hi tarika hai and vo hai operation. Iska operation laparsocopy ya fir laser surgery se hota hai. Aap ko operation ke time pe behosh kia jata hai. Patient agle din se hi chal fir sakta hai. Hum anasthesia dete hain jis se aap ko kam dard hota hai and aap aram kar sakte hain. Agle hi din se aap ka khana peena shuru ho jaata hai. Bahar skin pe koi bade cut nishan nhi hota hain. Patient ko medicines bhi jyada nahi leni padti hai. Durbin ke operation mein recovery fast and fayade bhi bahut hain.

Ye keyhole surgery hai. Hernia ko lambe time tak rakhne se taklif ban sakti hai. Bada ho sakta hai, untadiyan fus sakti hai, chamadi fus sakti hai jis se aap ko bahut tez dard hota hai. Ulti bhi ho sakti hai nd aap ko imeediately hospital mein admit hona padta hai. And emergency surgery ki vajaha se hum shayad jaali na laga payein. Agar aap jaali nahi lagayeinge toh hernia hone ke chances fir se ho sakte hain. Hernia ke baad kuch precautions hote hain jaise bhari vajan nahi uthana hai, jhukna nahi hai aur english toilet use karna hai. Is se aap ko hernia kabhi nahi hoga. Growin hernia mein kuch time tak supporter pehnana padta hai jis se dard kam ho. Mera suggestion ye hai ki jab bhi hernia detect ho, uski surgery kara lein. Wait na karein. Emergency mein operation karane se jaali lagane ki sambhavana kam ho jaati hai aur hernia ki surgery fail ho sakti hai. Laparsocpy surgery aaj ke time mein bahut hi beneficial hai. Is se aap ko taklif kam hoti hai, dard kam hota hai. Anaesthesia dene se aap ka dard cover ho jata hai.

Thank You.

In case you have a concern or query you can always consult an expert & get answers to your questions!
2904 people found this helpful