Common Specialities
{{speciality.keyWord}}
Common Issues
{{issue.keyWord}}
Common Treatments
{{treatment.keyWord}}

Diabetes And Homeopathy

Written and reviewed by
Dr. Ruchita Chandra 91% (1857 ratings)
Doctor of Homeopathic Medicine (H.M.D.), Nutrition/ Diet planning, Diploma In Naturopathy & Yogic Science (DNYS), Cosmetology, BHMS, DND, Pranic Healing
Homeopathy Doctor, Navi Mumbai  •  20 years experience
Play video

Good evening!

I am Dr. Ruchita Chandra, homeopathic aur nutritionist. Aaj mai aapke sath mein discuss karna chahungi ki kaise homeopathy diabetes pe work karta hai. Diabetes aaj kal har kisi ko bahut jaldi jaldi ho raha hai chahe wo chote bacche ho ya teenagers ho usme bhi hume diabetes dekhne ko mil rahi hai. Diabetes ka main reason hota hai stress, uske alawa galat khaan paan, bad habits ki vajah se bhi diabetes hone ke chances badh jate hai jisse bahut kam umar mein heart ka problems bhi aa jate hain, cholesterol levels, triglyceride levels kafi body mein badh jata hai. Lekin homoeopathy se aap is sab cheezon ko control kar sakte hain. Aajkal allopathy jo hum lete hai usse sirf temporary relief hota hai lekin homeopathy jab hum log ache se history leke unka potency achi select karte hain, uske basis pe diabetes kafi hadd tak control ho jati hai. Insulin jo lete hain unka insulin level bhi kam ho jata hai aur sirf tablet pe hi vo bhi tablets bhi unki kam hojati hain. Koi koi rare cases mein to diabetes ek dum theek hi hojati hai.

Rahi baat khaan paan ki to usme aap bahut sare cheezein theek kar sakte hain aur exercise ke sath mein bhi aap isko control kar sakte hain. Homeopathy medicines sath me exercise aur diet ye teeno cheeze agar aap rakhte hain to aapka diabetes level control kafi had tak ho jayega aur yahan tak ki khatam bhi ho jayega. Homoeopathy jab aap lete hain to voh ek to support karta hai insulin level badhane ka jisse aapka pancreas active ho jata hai aur insulin production hota hai. Saath mein agar aapko urine mein bhi koi problems aati hai, urinary disorders woh bhi theek ho jate hain aur uske alawa aapko jo bhi problems aati hai jaise jodo ka dard hota hai, knee mein pain hota hai, joints pain hote hain, neend nahi aana, bhook nahi lagna, digestive system weak hojana yeh sab bhi homeopathy se hum theek karte hain jo diabetes ki vajah se kafi kamzoor hojata hai.

Rahi baat abhi khaan paan ki to abhi hum uske baare mein ye discuss karna chahenge ki kya cheez khana chahiye diabetes mein. Jab diabetes hoti hai to us time pe hume maida vali cheeze, aaloo ki cheeze, tali huyi cheeze yeh sab band karna chahiye, chawal aap hafte mein sirf 2 hi baar le sakte hain. Dekhiye agar chawal le rahe hain to uske sath mein chapati nahi lena hai. Chapati aap geehu ki bhi ho sakti hai, jawar hai, bajra hai, nachni hai, multigrain hai us type ki cheeze healthy cheeze hai jo aap lenge to jisse aapka diabetes kafi control hojayega aur falo mein aap apple le sakte hai seb, sath mein aap papaya hai, fir nashpati pear jise bolte hai vo bhi aap le sakte hai, almonds hai badam bheege huye almond aap khayenge daily to usse bhi aapko kafi faida hota hai. Sath mein aap anjeer hai dry fruits vo bhi aap khayenge to bhi acha rehta hai, methi dana diabetes mein bahut helpful hota hai, rat mein ek glass pani mein agar aap ek chamach methi dana bhiga de aur subah uska sewan kare to usse bhi aapko bahut labh hota hai.

Diabetes mein aapka jo bhojan hota hai vo khana aap har 2-2 ghante mein chota chota khate hain to bahut acha rehta hai. Subah ka breakfast, duphar ka khana, rat ka khana ye sab to bahut zaroori hai lekin uske beech mein bhi aap kabhi fal le sakte hai, kabhi chana hai, kurmura hai yeh bhi aap kha sakte hain. Subah ka nashta bhi ache se kariye lekin healthy kariyega jaise aap oats le sakte hai, poha hai, upma hai yeh bhi aap kha sakte hain, duphar ka lunch ya rat ka dinner jo bhi aap shuru karenge to salad se shuru kariye, salad mein aap cucumber le sakte hai, tomato le sakte hai, lettuce leaves aate hai, boiled karke broccoli vo bhi aap kha sakte hain aur fir uske bad mein khana shuru kariye vo bhi 15-20 minute baad mein toh isse aapka jo ahar hai ekdum se zada nahi lenge, thoda thoda hojaega, control hojata hai. Homeopathy se ek to jo aap meetha khane ki agar shaukeen honge, to vo bhi aapka craving jo hai vo bhi control ho jati hai. Iske alawa agar aapko kuch aur jankari chahiye hoga toh aap mujhse mere clinic mein bhi mil sakte hai ya to lybrate ke through aap consult kar sakte hai online.

Thank you!

In case you have a concern or query you can always consult an expert & get answers to your questions!
19 people found this helpful
Icon

Book appointment with top doctors for Metabolic Disorders treatment

View fees, clinic timings and reviews