Ask FREE question to Women health doctors
Private, Secure and verified doctors.
Common Specialities
{{speciality.keyWord}}
Common Issues
{{issue.keyWord}}
Common Treatments
{{treatment.keyWord}}

Polycystic Ovarian Disease (PCOD)

Written and reviewed by
Dr. Nivedita Dadu 91% (164 ratings)
MBBS, Diploma In Dermatology And Venerology And Leprosy (DDVL), DNB (Dermatology), MNAMS
Dermatologist, Delhi  •  16 years experience
Play video

Hi,

I am Dr. Nivedita Dadu, a dermatologist practicing in Delhi. Aaj hum baat karne wale hain Polycystic Ovarian Disease (PCOD) ke baare mein. Aur aap apne lifestyle mein kya changes kar sakte hain jisse aap PCOD ko kam kar sakte hain. Sabse pehle baat karte hain ki Polycystic Ovarian disease kya hota hai? Kuch women mein ovaries jyada cyst bnati hain aur jyada cyst hone ki wajah se jyada hormones ki production hoti hai aur ye hormones ki wajah se hmari skin mein, hmari body mein kuch problems hoti hain jo symptoms hote hain PCOD ke.

To wo kya symptoms hain jinhe apke dermatologists ya gynaecologists dekh ke suspect kar sakte hain ki aapko shayad PCOD ho sakta hai. Cosmetic symptoms ki baat karein to sabse pahle acne ya pimple jo ho rahein hain, jo aisi age me nikal rahe hain jo pimple nikalne ki umar nhi hain, jaise 25 or 26 ki age ke baad bhi apko pimple nikal rahe hain, ya pimple jo asaani se normal conventional treatment se nhi jaa rahe aur aapko strong medicines khane ki jarurat pad rahi hai, ya pimple jo apke lower half of the face jaise ki apki jawline pe pimples nikal rahe hain wo bhi ek hormonal acne ho sakta hai.

To pimple ke alawa hair fall, hair thinning, ye ek bahut common symptom hai PCOD ka. Jisme ki yeh jaroori nhi ki aapko bohot jyada baal jharte nazar ayein lekin kyin baar ladkiyaan complaint karti hain over a period of time unhone ne notice kiya hai ki unki ponytail patli hoti chali jaa rhi hai ya notice kiya hai ki unke baal aage se ghanna-pan kam ho rha hai, baal flat ho rhe hain, unka bounce kam ho rha hai or wo limp ho rhe hain. To agar aage se aapke baalon ki density kam ho rhi hai, ye wo pattern hain jisme usually males ke baal jhadte hain. To ye bhi ek PCOD ka pattern hai hair fall ka.

Iske alawa facial hair, unwanted hair, hair un jagahon pe jahan usually aadmiyon ke baal hote hain, jaise lower back area, stomach pe, agar aapke bahut hard, coarse hair hain to ye bhi ek symptom hai ki kuch hormonal disturbance apko ho sakti hai aur acanthosis nigricans jisme ki neck pe, underarms pe ya thighs ke area mein pigmentation jyada ho jati hai to ye skin velvety ho jaati hai ye insulin resistance ki indication hai aur ye bhi PCOD ka symptom hai. Iske alawa kuch aisi cheezein hain jo cosmetic problems nahi hain lekin wo PCOD ke spectrum me hain, jaise ki gynec issues jaise kuch ladies me ya to conceive karne mein mushkil aati hai , thodi infertility ho sakti hai aur agar hum theoretically bolein to less than 9 periods in a year, matlab ki agar apko 1 saal mein 9 periods se kam ho rhe hain to wo ek symptom hai PCOD ka to wo hum investigate kar sakte hain.

Iske alawa mood swings ho sakte hain aur aisa bhi dekha gya hai PCOD women me insulin resistance ho sakti hai jiski wajah se aage chal ke unhein Type 2 diabetes hone ke chances hain aur hypertension ho sakti hai, cardiovascular problems bhi ho sakti hai. To ye sab baatein bhi jaan ni jaruri hain. To ab mai kuch important facts discuss karna chahti hun PCOD ke baare mein, pehli cheez jaise ki kuch studies me ye paaya gya hai ki 35% women aisi bhi ho sakti hain jinko irregular periods na hon. To yeh mai isliye clear karna chahti hun kyunki kaafi baar humare clinic mein patients aate hain jo ye bolte hain ki hamare periods regular hai to hame PCOD kaise ho sakta hai. Dusri cheez ye batana chahti hun ki nearly 4-5 women out of 10 women who come to the dermatologist or a gynecologist have PCOD. To aap akele nhi hain to isi liye aap ye man se hta dein ki yeh aisi koi bimaari hai jo bahut tension wali hai, bahut rare bimaari hai.

Teesri cheez hai a term, lean PCOS, ye term bahut recent hai kyunki pehle ye dekha jata tha ki obese women mein jinka vajan jyada hota hai unhi mein ye pareshaniyaan hoti thi, lekin ab ye dekha gya hai ki jo log fit hain unme bhi PCOD ho rha hai. To iska kaaran yhi dekha gya hai ki aisey logon me bhi thoda visceral fat ya abdominal fat ho sakta hai jiski wajah se inmein ye hormonal change ho rhe hain jiski wajah se inko PCOD ho rha hai.

To ab hum baat karte hain ki aap apne diet me changes lake kis tarah se PCOD ko kam rakh sakte hain. Iske liye sabse pehle ye jaan na jaroori hai ki insulin resistance kya hai. Insulin ek hormone hai jo hamare glucose ko istemaal krne mein madad karta hai. Agar aapko insulin resistance hai to iska matlab ye hai ki aapki body aapka insulin isteemal nhi kar paa rhi hai glucose level ko kam karne ke liye, jisse ye hoga ki ek to glucose level aapka jyada hoga aur doosra ye hoga ki kyonki aapka insulin istemaal nhi ho raha to isliye aapki body aur jyada insulin produce karegi, to naa keval apka sugar level badega balki aapka insulin level bhi badega.

Jab insulin level high hota hai to uske high hone se bhi hamari body me hormones badh jaate hain aur jab ye hormones badenge to inke badne se phir hamein wo symptoms ho sakte hain jaise ki pimple, hair fall ya facial hair. To ab insulin kyunki important hai PCOD ke liye to wo sab cheezein jo hamari body me insulin bda rhi hain wo PCOD ko bda sakti hain. To agar hum diet ki baat karein to starchy food, food that is rich in carbohydrates aur pasta ya cheesy khaana, ye sab hamara PCOD bda sakta hai. Iske alawa food with high Glycemic Index, ye khaana insulin like growth factor ko bdhata hai aur dairy products bhi insulin like growth factors ko badhate hain. To ye sab cheezein PCOD ko badawa de sakti hain.

Iske alawa aisa khaana jo hamari body me inflammation bda raha hai yani ki red meat ye sab bhi PCOD ko bda sakte hain aur agar lifestyle ke baat karein to iske alawa smoking se bhi androgens hamari body mein badte hain. To ye cheezein quit ya avoid karne se aap apne PCOD ko kam kar sakte hain.

Ab hum baat karte hain ki aap apne khaane me aisa kya add kar sakte hain jisse ki aapka PCOD better ho, Isme sabse pehle hai high fibre food jaise ki cauliflower, beans, daal, ye cheezein aap apni diet mein add kar sakte hain aur lean protein yani ki white meat jaise ki fish, chicken, ye aap apni diwt mein add kar sakte hain, agar aap vegeterian hain to Tofu aap apni diet mein add kar sakte hain ye PCOD ko kam karne me help karega. Diet mein vitamin D aur omega 3 fatty acids lene se bhi PCOD ke liye accha hota hai. Omega 3 fatty acids fish me hote hain, lekin aap fish consume nhi karte to aap omega 3 fatty acids ke fish oil ke capsules le sakte hain. Vitamin D or omega 3 fatty acids lene se dekha gya hai ki ye menstrual irregularities ko kam karne me help karta hai aur ye male hormone ke level ko bhi kam karta hai aur iske alawa Inositol ka bhi important role hai, ye diet mein bhi liya jaa sakta hai ye grains me bhi hota hai aur ye market me bhi available hai. Inositol insulin resistance ko bhi kam karne me madad karta hai.

Isle alawa anti-inflammatory food jaise ki olive oil, walnuts, strawberries ye sab cheezein bhi PCOD ko kam karne me madad karti hain. To kuch aur lifestyle changes jinse ki apko PCOD mein madad mil sakti hai usme ye dekha gya hai ki agar aap 150 minutes 1 hafte mein walk karte hain, which means 20 minutes in a day to usse bhi aapko madad milegi. Iske alawa stress apni life mein kam karna hai, kyunki stress se bahut hormonal issues trigger hote hain aur kuch yoga ke aisey postures dekhe gye hain jo aapke hormonal imbalances ko normalize karne me madad karte hain. To agar aapko lean PCOS hai yaani ki apka vajan jyada nhi hai, to aisey logon me weight loss nhi help karega. To aisey logon ke liye strength training kaam karti hai. To aap strength training karke, apni body ko tone karke aur apne abdominal fat ko kam karke aap apne PCOS ko kam kar sakte hain.

Agar aap good food aur bad food ki agar aap list bnayein aur un cheezon se khane ko substitute karein jo aapko nuksaan pahuncha rahe hain PCOS mein to isse bhi aapko long time mein bahut fayda rahega. I hope ye video aapko informative lga agar aapko skin se related kuch bhi queries hain to aap nicche comment section mein comment kar sakte hain,

Thank you!

In case you have a concern or query you can always consult an expert & get answers to your questions!
4090 people found this helpful
Icon

Book appointment with top doctors for Polycystic Ovary Syndrome treatment

View fees, clinic timings and reviews