Common Specialities
{{speciality.keyWord}}
Common Issues
{{issue.keyWord}}
Common Treatments
{{treatment.keyWord}}

Liver Cirrhosis

Written and reviewed by
Dr. Praveen Sharma 89% (57 ratings)
MBBS, MD - General Medicine, DM - Gastroenterology
Gastroenterologist, Delhi  •  22 years experience
Play video

Hi,

I am Dr. Praveen Sharma, Gastroenterologist. Aaj hum baat karenge liver cirrhosis ke baare mein. Ye liver ki ek serious bimari hai. Ismein liver ka size chota ho jaata hai and liver kam karna band kar deta hai. Iske 4 mukhaye karan hote hain. Sabse jyada common hai alcohol. Jo log jayada alcohol lete hain unka liver damage ho jaata hai. Dusra karan hai viral hepatitis-B & C. Tisra karan hai diabetes. Jinka sugar control nahi rehta unko bhi liver cirrhosis ho sakta hai. Chootha common karan hai motapa. Jinke liver mein fat jam jata hai unhein bhi liver cirrhosis hota hai. Ab iske mukhye lakshan kya hain? Jinhein liver cirrhosis hota hai unhein jaundice hota hai. Peat mein paani aa sakta hai. Pairon mein sujan aa sakti hai. Bhook lagni kam ho jaati hai. Kabhi kabhi khoon ki ulti ya fir laterine kaale rang ki aati hai.

Kya hum isko easily diagnose kar sakte hain? Isko diagnose karne ke easy methods hain. Dr aap ka liver function test karta hai. Viral hepatitis ka test kiya jata hai, ultrasound and fibroscan kiya jaata hai. In sab se hum liver cirrhosis ke baare mein jaan paate hain. Hum liver cirrhosis ko thik bhi kar sakte hain. Lekin agar koi alcohol na chore toh uska liver kabhi bhi thik nahi ho sakta hai. Isliye alcohol bilkul chora padta hai. Bahut sari medicines available hain jinse liver cirrhosis ka treatment bhi ho sakta hai. Hepatitis-B & C ka treatment karne se liver cirrhosis kafi thik ho jata hai. Aur bhi bahut sari techniques hain jinmein hum endoscopy karte hain, bleeding ke chances bhi kam ho jaate hain. Bahut sari medicines hain jinse peat ka pani and pairon ki swelling thik ho sakti hai. Agar kisi mein liver cirrhosis ke symptoms hain to patient ko Dr ke paas jaldi hi jana chahiyai. Kabhi kabhi liver cirrhosis medicines se treat nahi ho pata hai.

Agar kisi patient ke stomach mein water fill ho, blood vomiting ho, behoshi ho toh liver cirrhosis ka treatment lier transplant hi hai. So, liver cirrhosis ka ilaj sambhav hai. Agar hum apna khan-paan thik karein and gandi aadaton se dur rahein, alcohol na lein aur jo Dr suggest kare use regular follow karein toh liver cirrhosis kafi hadh tak thik ho jata hai. Acha khana liver cirrhosis ko thik karne mein bahut bada yogdan deta hai. Namak aap ko kam karna hai. Baaki aap jitna normal khana khayein aapke liya acha hota hai. Agar aap apne liver ko thik rakhenge toh aap sawasth jeevan vayetit karenge.

Thank You.

In case you have a concern or query you can always consult an expert & get answers to your questions!
2541 people found this helpful