Maintain a healthier lifestyle!
Explore Natural Products recommended by Top Health Experts.
Common Specialities
{{speciality.keyWord}}
Common Issues
{{issue.keyWord}}
Common Treatments
{{treatment.keyWord}}

Things To Know About Stroke

Written and reviewed by
Dr. Sankalp Mohan 91% (100 ratings)
MBBS, MD - Internal Medicine, Fellow In Pain Management, DM - Neurology
Neurologist, Navi Mumbai  •  10 years experience
Play video

Hello everybody!

Mai Dr. Sankalp Mohan hun. Neurologist at Vashi, Navi Mumbai. Aaj hum baat karenge stroke pe. Stroke jise lakwa kehte hain, yeh ek aam bimari hain. Yeh serious bhi ho sakti hain. Jab ki yeh bimari common hai lekin kai logon ko iske baare mei pata nahi hai – ek survey ke hisab se sirf ek ya do pratishad log hi iske baare mei, iske lakshano ke baare mei jante hain. Jo stroke hai wo aam taur pe do type ka hota hain, do prakar ka hota hain. Jise hum ischemic or haemorrhagic stroke kehte hain. Ischemic stroke mei blood mei clot ban jata hai. Jo nasey hoti hain usmein clot ban jata hai. Aur haemorrhagic stroke mei nasey faat jati hain. Aaj hum zyada baat karege ischemic stroke ke baare mei jo zyada common hain.

Abhi kin prakar ke logon mei zyada hone ke chances hote hain ya zyada sambhavana hain? Toh, jin logon ko blood pressure ho, jinko uncontrolled diabetes ya sugar ki bimari ho, jo smoking bohot zyada karta hai, jo koi alcohol zyada leta hain, kisi ki family history ho unko yeh hone ki samvabana zyada hoti hai. Ab stroke mei jo clot banta hai woh zyadatar ya toh heart se aata hai ya galey ki kisi nass se aata hai. Kabhi kabhi wo brain ke andar choti naso mein bhi ban jata hain jisey lacunar stroke kehte hain. Ab sabse zaruri hai ki stroke ke lakhshan jaanna. Toh stroke mei jo hai, kisi ko bhi agar achanak se bolne mein dikkat ho jaye, ya phir haat pair uthna bandh ho jaye, koi cheez pakadne mei problem ho jaye, achanak se langra kar chalne lage, ya balance na ho ya kabhi kabhi ekdam chhakar aa jaye, sir dard, ulti ho jayen toh yeh sab ho sakte hain stroke ke lakshan. Ab stroke ka jo treatment hai pichhle 20 saalo se kafi change ho chuka hai.

Usmein agar aap hospital mein 4.5 ghante ke andar aate hain toh ek dawai hai jisko hum thrombolysis kehte hain, vo de sakte hain. Thrombolysis clot buster hota hai jise hum clot ko dissolve karte hain. Agar isse 4.5 ghante mein diya jaye toh kafi had tak stroke se jo brain mei damage hota hai usko hum rok sakte hain. Kabhi kabhi yeh jo clot hota hai wo badi nass mein hota hain. Tab yeh bhi kaam nahi karta. Toh uske liye humey mechanically matlab us clot ko nikalna parta hai cath lab mein jakar. Ant mei mai yehi kehna chahunga ki stroke kafi common bimari hai lekin kayi logon ko iske bare mei pata nahi hai. Agar timely aap sahi time pe iske lakshan janey aur hospital mein le aaye toh kafi had tak hum patient ko bacha sakte hain aur usko aage aane wale brain damage ko bhi hum bacha sakte hain.

Thank you!

In case you have a concern or query you can always consult a specialist & get answers to your questions!
3174 people found this helpful
Icon

Book appointment with top doctors for Stroke treatment

View fees, clinic timings and reviews