Consult with top Sexologists
Verified doctors & completely private
Common Specialities
{{speciality.keyWord}}
Common Issues
{{issue.keyWord}}
Common Treatments
{{treatment.keyWord}}

Erectile Dysfunction

Written and reviewed by
Dr. Shirish C. Malde 89% (444 ratings)
MD, BHMS
Sexologist, Mumbai  •  25 years experience
Play video

Causes and treatment for Erectile Dysfunction

Namaskar mitron! Main Dr. Shirish Malde Mumbai se sexology mein specialize karta hu aur aaj jo hum ye video ke dwara jo jaankari lenge ye humari jo sabsi badi samasya hoti hai, erectile dysfunction, ya isse impotence bhi kaha jata hai, iske baare mein hum jaankari lenge. Aap dekh rahe hai ki erectile dysfunction ye ek kaafi hadh tak ek samasya hai jo young age se lekar bade umar tak kisi bhi wyakti ko bhi ho sakta hai. Waise ling mein kadakpan aur uthaan aana, ling mein erection aana, ye wyakti ke marzi ke hisaab se nahi hota hai. Jaise hum apni marzi se paseena nahi nikaal paate, ye paristithi ke upar nibhar karta hai, waise hi ling mein uthaan aana ye bhi paristithi ke upar aur wyakti ke utejna ke upar nibhar karta hai.

Jab kisi wyakti ko ling mein uthaan lane mein ya lambe samay tak tikane mein takleef hoti hai wo asamarth hota hai, tab isse erectile dysfunction ya impotence kaha jata hai. Normally iski do wajah hoti hi; psychogenic yaani maansik kaarano se aur dusra hota hai physical yaani shaaririk shamta ke abhav se ye samasya nirmaan ho sakti hai. Toh hum short mein dekhege ye samasya kaise nirmaan hoti hai. Jaise hum kahege psychological problem toh kuch wyaktiyon ko lack of knowledge yaani sahi jaankari nahi hoti hai ya unhe fail hone ka darr bana rehta hai, kabhi kabhi couple mein communication thik nahi hone ke wajah se ya relationship disturb hone se bhi ling mein uthaan aane mein takleef hoti hai. Kayi baar wyakti bore hai ya stress hai, kabhi usko adequate rest nahi milta hai ya depression hai ya anxiety hai, aisi samasyaon se bhi usko jis waqt wo chahta hai us waqt uske ling mein uthaan nahi laa paata hai. Isko psychogenic problem kehte hai.

Aur ab dekhoge ke kuch organic problems hote hai, physical problem jaise diabetes, aur hypertension, ye bahut hi common rog hai jisse ling mein tanaav lane mein difficulty hoti hai us wyakti ko. Kuch medicines bhi hai jaise diabetic aur hypertension ki medicines hai jiske side effects ke chalet bhi ling mein tanaav aana mushkil ho jata hai. Toh ye hua kaaran ke wajah se, ab aap dekhoge ki impotence ya erectile dysfunction ke tests kya hai. Aksar ache doctor detail history lete hai aur ussi se unhe pata chal sakta hai ki ye samasya kis wajah se hai lekin kuch cases mein jaha diagnosis ke liye test ki zarurat hoti hai tab ye tests behadd zaruri hoti hai. Sabse pehli test hoti hai Intracavernosal Injection Vasoactive Drugs yaani penile Doppler test bhi keh sakte hai isse. Isme wyakti ki ling ki jo raktovayiniya hai uski rakht paribhraman kitna ho raha hai ye check kiya jaata hai. Ye test mein chota sa injection ling mein diya jaata hai aura aage chal ke aap dekhoge ke sonography se ye graph dikhta hai jisse blood flow ka velocity check kiya jaata hai.

Aur ek test hai Penile Angiography yaani agar rakhtvayiniya mein koi samasya nirmaan hume nazar aati hai toh angiography ke zariye wo block kaha par hai wo exactly hum pata kar sakte hai. Aur ek test isme use hoti hai wo hai NPT Scan Monitor yaani Nocturnal Penile Tumescence Test, isme wyakti ki puri raat mein aane wali erection machine dwara record ki jaati hai aur dusre din ye graph nikaala jaata hai. Normal wyakti ka graph aisa hota hai jaha pe wo teen se chaar episode erection ke usko aate hai aur ye aise wyakti ka graph hai jaha koi bhi erection nahi aaya hai raat ko. Toh isse unke bloof flow mein samasya hai ya nahi ye usse pata chal sakta hai. Abhi treatment ka jaha tak sawaal hai, aap dekh rahe hai ke treatment mein sabse ahem bhumika hoti hai counseling or sex education ki, jaise maine bataya tha ki kuch log darr se ya sahi jaankari na hone ke aabhav se peedit hote hai, unke liye ye bahut zaruri hoti hai. Kuch conditions mein oral drug dena zaruri hota hai yaani medicines ki zarurat hoti hai aur kayi case mein jaha medicine kaam nahi karti hai waha self-injections jo humne dekhe the wo de sakte hai, vacuum erection device bhi isme useful ho sakta hai aur last mein surgery ke dwara bhi ye problem solve ki jaa sakti hai.

Surgery mein Penile Prosthosis yaani penile implantation hota hai. Ab ek ke baad ek hum dekhege ke kuch medicines hai jo Sildenafil, Vardenafil, Tadalafil, ye wyakti ko erection lane mein kaafi helpful hote hai. Ye Intracavernosal Injection jaha wyakti khud hi apne aap ko injection de sakta hai mein aur 2-5 minute mein acha erection haasil kar leta hai. Next hai ye vacuum pump ke zariye bhi ling mein erection paaya jaa sakta hai aur last mein ye penile prosthesis jo silicone rods hote hai jo ling mein bithaye jaate hai jiske zariye wyakti ling mein tightness paa sakta hai. Toh aap ne ye dekha is video mein ki ling mein tightness lane ki jo samasya hai ye kaafi aam, young age se lekar old age tak sabhi vyaktiyon ko ye samasya kabhi na kabhi life mein ho sakti hai. Lekin agar sahi jaankari ho aur yogya maarg darshan mile toh is samasya se aap humesha ka chutkaara paa sakte hai aur puri tarah se ye treat kar sakte hai.

Iski aur adhik jaankari ke liye aap mujhe contact kar sakte hai lybrate.com ke zariye. Dhanyawaad.

3492 people found this helpful
Icon

Book appointment with top doctors for Erectile Dysfunction treatment

View fees, clinic timings and reviews