Acne and Its Scars
Good morning friends. Mera naam Arvind hai and I am from Faridabad. Me aaj apko acne or acne related problems ke baare me batane wala hun. Hum ise aam bhasha me muhaase bhi kehte hai or medical terms me hum ise acne vulgaris kehte hai.
Zadatar ye dekha gaya hai ki acne vulgaris 12-13 saal ki umar me shuru hota hai aur 27- 28 saal ki age aate aate ye khatamm hojata hai. Lekin kisi kisi ko ye 34-35 ya 40 saal ki age tak bhi ho sakta hai. Ise hum old age acne kehte hai. Iski koi khaas wajah nahi hoti hai lekin 70-80 % teenagers me ye problem dekhi jati hai. Aur ye zadatar body me testesterone hormone ki wajah se hota hai.
Ye bohot tarah se ho sakta hai. Mild ho sakta hai, comedones and papules bhi ho sakte hai, pastures ban sakta hai, aur kabhi kbhi nodules or cyst bhi ban jate hai jiski wajah se chehre pe bade bade nishan ho sakte hai, un nishan ko hum acne scar kehte hai. Ye scar 2-3 tarah ke ho sakte hai. Jese ki depression ho sakta hai aur elevation hypertrophic, atrophic scar. Iske ilawa acne chaati pe bhi ho sakta hai, back pe bhi ho sakta hai, shoulders pe bhi ho sakta hai. Par samanya roop se yeh chehre pe sabse zada hota hai. Agar bohot zada severe condition ho to yeh chest pe bhi ho sakta hai aur back pe bhi ho sakta hai.
Jahan tak khaan paan ka sawaal hai, dekha gaya hai ki khaan padaarth se iska koi lena dena nahi hai. Abhi haal filhaal me jo bhi anusandhan hue hai, usme dekha gaya hai ki jo bhi meethi cheezein hoti hai wo acne ko badhawa deti hai. Islie hum kehte hai ki aap meethi aur tali hui cheez bohot kam khaie. Aur kisi tarah ke khaan paan se iska koi sambandh nahi hai. Weight badhne se bhi problem ho sakti hai.
Ab hum iske treatment ki baat karte hai. Treatment me hum lagane ki dawai dete hai aur kabhi kabhi khane ki bhi deni padti hai, ye depend karta hai ki problem kitna severe hai. Jab bhi apko acne se related koi bhi problem ho to aap nearest dermatologist se consult kijiye, wo apka acche se ilaaj karenge aur kaafi jaankaari denge jisse kisi bhi tarah ki galat bhavna man me na ho.
Jitna jaldi treatment hoga utna he scar banne ka chance kam rahega aur treatment me jitni der hogi scar banne ki sambhavna utni he zada hogi.Iska ilaaj bohot he accha hota, response accha ata hai or ye dikkat ekdam theek hojati hai unless hormones ki koi bohot badi samasya naa ho. Agar hormones ki samasya hoti hai to hum hormones ka bhi ilaaj karte hai jisse ki acne aana band hojae.
Iske ilawa scar ke liye alag se treatment hota hai jisme laser hota hai, peeling hoti hai, derma roller hota hai. In sab ka prayog hum kar sakte hai. Aur iske baad bhi koi problem ho to aap apne doctor se khule dill se baat kijiye ki iska aur kya ilaaj ho sakta hai. Me humesha kahunga ki agar apko is prkaar ki koi bhi problem ho to aap apne nearest dermatologist ko consult kare.
Kis bhi problem ke liye aap mujhe Lybrate ke through sampark kar sakte hai.